Төрийн байгууллагын коридорт орогнож, залилах гэмт хэрэг үйлддэг этгээдийг баривчиллаа. Тодруулбал, "Хөнгөлөлттэй орон сууцны зээлд хамруулж өгнө" гэж бусдыг залилж, 90 сая төгрөгийн хохирол учруулж, иргэдээс байрны урьдчилгаанд 300 сая төгрөг авахаар тохиролцсон иргэн С-ийг олж тогтоон баривчилсан байна. Тухайн иргэн нь өмнө ажиллаж байсан байгууллагынхаа коридорт нууцаар орогнож, өөрийгөө тус байгууллагад ажилладаг гэж бусдад итгүүлж бусдыг залилж байжээ.
