Архангай аймагт 12 дугаар сарын 1-ний байдлаар оны эхний хээлтэгч малын 84.6 хувь нь буюу 2002 мянган эх мал төллөж, гарсан төлийн 97.2 хувь нь бойжиж байна. Төл бойжилтыг малын төрлөөр үзвэл, гарсан ботгоны 100 хувь, унаганы 96.7 хувь, тугалын 97.5 хувь, хурганы 97.6 хувь, ишигний 96.2 хувь нь бойжиж байна.
Сумдаас Төвшрүүлэх, Өгийнуурт төлийн хорогдол гараагүй байна. Өнгөрсөн оны мөн үеийнхээс аймгийн дүнгээр төллөсөн эх мал 10.4 хувиар, бойжиж байгаа төлийн тоо 14.2 хувиар их байна. Харин төлийн хорогдол 2.2 дахин бага байгаа аж.
Оны эхний буюу 6.4 сая мал 99.2 хувиар онд орж, 44.8 мянган том малын хорогдолтой байна. Хорогдсон малын 6.2 хувийг адуу, 8.9 хувийг үхэр, 57.7 хувийг хонь, 27.2 хувийг ямааны хорогдол эзэлжээ.
Сумдаас Эрдэнэмандал, Өндөр-Улаан, Цахир, Жаргалант, Ихтамир сумын оны эхний малын 1.1- 2.0 хувь нь, бусад сумын малын 0.4-1.0 хувь нь хорогдсон байна. Харин Өгийнуур, Төвшрүүлэх, Хашаат, Хотонт суманд том малын хорогдол гараагүй байна.
