Хот байгуулалт, барилга, орон сууцжуулалтын сайд Э.Бат-Амгалан, түүний дүү Э.Батбаяр нарыг АТГ-аас хэрэг бүртгэлийн хэрэг нээн шалгаж эхэлсэн байна. Энэ талаар АТГ-аас тодруулахад "Иргэнээс ирүүлсэн мэдээллийн дагуу эдгээр хүмүүсийг шалгаж эхэлсэн нь үнэн" гэлээ.
Албан бус мэдээллээр, Орхон аймагт зэсийн овоолго ашигладаг “Зэс-Эрдэнийн хувь” ХХК-ийн хувьцаа эзэмшигч 25000 иргэнийг төлөөлж 7000 орчим иргэн нэгдэж, Хот байгуулалт, барилга, орон сууцжуулалтын сайд Э.Бат-Амгалан болон түүний төрсөн дүү Э.Батбаяр нарт 30 тэрбум төгрөг залилуулсан асуудлаар АТГ-т хандсан байж магадгүй байна.
