Өмнө нь Эрүүл мэндийн сайд, Эрүүл мэндийн даатгалын ерөнхий газрын даргаар ажиллаж байсан С.Энхболд УИХ-ын даргын нийгэм хамгаалал, эрүүл мэндийн бодлогын зөвлөхөөр ажиллаж эхэлжээ. Тэрбээр өнөөдөр /02.24/ Тусгаар тогтнолын ордонд болсон "Хүн төвтэй эрүүл мэндийн тогтолцоо" сэдэвт хэлэлцүүлэгт оролцсон байна.
Сануулахад, Эрүүл мэндийн даатгалын санд үүссэн санхүүгийн асуудалтай холбогдуулан түүнийг ЭМДЕГ-ын даргаас чөлөөлөөд байсан билээ. Мөн үүнээс өмнө авлига, албан тушаалын хэрэгт холбогдуулан АТГ-аас шалгаж байсан юм. Тодруулбал, түүнийг “Цахим эрүүл мэнд” төслийн хөрөнгийг БНСУ-ын аж ахуйн нэгжтэй хамтран завшиж үрэгдүүлсэн хэрэгт буруутган шалгаж, яллагдагчаар ч татсан удаатай.
Гэвч ажлаа өгснөөс хойш хэсэг чимээгүй байсан тэрбээр ийнхүү УИХ-ын даргын зөвлөхөөр томилогдсон байна.
