"ДЦС-4"-д гарсан гэмтлийн улмаас засварын ажлыг эхлүүлж, улмаар нийслэлд болон Төв аймгийн зарим сумдад цахилгааны хэсэгчилсэн хязгаарлалт хийж эхэлсэн билээ.
Тэгвэл "Диспетчерийн үндэсний төв" ТӨХХК болон Эрчим хүчний яамнаас мэдээлэл өгч байна. Энэ үеэр цахилгааныг нь 2-оос илүү цагаар хязгаарласан гэх иргэдийн гомдолд УБЦТС ТӨХК-ийн Диспетчерийн албаны ахлах инженер Д.Гантулга хариулт өглөө. Тэрбээр "3-4 цагаар тог тасалсан тохиолдол гараагүй. Хэрэв ийм тохиолдол гарсан бол өөрийн харьяа түгээх төвдөө хандаж, шалтгааныг нь тодруулж болно. Бид аль болох 2 цагтаа багтааж, цахилгаанаа өгч байгаа" гэв.
