Хууль зүйн байнгын хорооны хуралдаан болж байна. Хуралдаанаар ШЕЗ-ийн шүүгч бус гишүүнийг томилох тухай асуудлыг үргэлжлүүлэн хэлэлцэж байна. Энэ үеэр УИХ-ын гишүүн Д.Цогтбаатар иргэнээс ирүүлсэн мэдээллийг уншиж танилцуулав. Тус мэдээлэлд ШЕЗ-ийн шүүгч бус гишүүнд нэр дэвшигч Ч.Баянжаргалыг нотариатчаар ажиллаж байхдаа бусадтай бүлэглэн хуурамч бичиг баримт үйлдсэн гэх мэдээллийг агуулжээ. Эл мэдээлэлд нэр дэвшигч Ч.Баянжаргалын зүгээс "Анх удаа сонсож байна" гэх хариултыг өглөө.