Шүүхийн шийдвэр гүйцэтгэх ерөнхий газрын Тэргүүн дэд дарга бөгөөд Хорих ял эдлүүлэх албаны дарга, хурандаа А.Намсаманд /2025.07.01/ Нэгдсэн Үндэстний Байгууллагын Мансууруулах бодис, гэмт хэрэгтэй тэмцэх албаны Монгол Улс дахь төлөөлөгчийн газрын төлөөллийг хүлээн авч уулзлаа.
Тус уулзалтад Нэгдсэн Үндэстний Байгууллагын Мансууруулах бодис, гэмт хэрэгтэй тэмцэх албаны Монгол Улс дахь суурин төлөөлөгч Нгүен Дук Лонг, Нэгдсэн Үндэстний Байгууллагын Мансууруулах бодис, гэмт хэрэгтэй тэмцэх албаны Монгол Улс дахь төлөөлөгчийн газрын хөтөлбөр хариуцсан туслах Ц.Номинсүрэн нар оролцсон.
Уулзалтын үеэр мансууруулах эм, сэтгэцэд нөлөөлөх бодистой холбоотой гэмт хэргээр ял шийтгүүлсэн хүнийг нийгэмшүүлэх асуудлын талаар санал солилцсон бөгөөд Нэгдсэн Үндэстний Байгууллагын Мансууруулах бодис, гэмт хэрэгтэй тэмцэх албаны Монгол Улс дахь төлөөлөгчийн газраас энэ төрлийн гэмт хэргээр шийтгүүлсэн хүнийг нийгэмшүүлэх, засрал хүмүүжил олгоход Шүүхийн шийдвэр гүйцэтгэх байгууллагаас баримталж буй бодлого, үйл ажиллагаанд дэмжлэг үзүүлэн хамтран ажиллахаа илэрхийллээ.
