Шүүхийн шийдвэр гүйцэтгэх ерөнхий газрын харьяа Сэлэнгэ аймаг дахь Шүүхийн шийдвэр гүйцэтгэх газарт Дэзэрэт олон улсын энэрлийн байгууллагаас хүмүүнлэгийн чиглэлээр дэмжлэг үзүүлж, насанд хүрээгүй хоригдогчдын сурч боловсрох эрхийг хангах хүрээнд сургалтын өрөөг бүрэн тохижуулан, хүлээлгэн өглөө.

Энэхүү ажил нь насанд хүрээгүй хүүхдийн хүмүүжил, боловсрол, сэтгэлзүйн дэмжлэгт эерэг орчин бүрдүүлэхэд чиглэсэн бөгөөд цаашид тэднийг нийгэмд зөв төлөвшилтэй, сайн иргэн болгон төлөвшүүлэхэд чухал ач холбогдолтой байлаа.