УИХ-ын чуулганы үдээс өмнөх хуралдаанаар Монголбанкны Ерөнхийлөгчийг томилж, чөлөөлөх асуудлыг хэлэлцлээ. Нэр дэвшигч С.Наранцогтоос гишүүд асуулт асууж хариулт авсан бөгөөд С.Наранцогтыг томилохыг дэмжье гэсэн томъёоллоор санал хураахад, санал хураалтад оролцсон гишүүдийн 79.8 хувь нь дэмжсэнээр УИХ-ын тогтоол батлагдлаа.
Ийнхүү Монголбанкны Ерөнхийлөгчөөр С.Наранцогт томилогдсон тул бүрэн эрхийн хугацаа нь дуусаад буй Б.Лхагвасүрэнг үүрэгт ажлаас нь чөлөөллөө.
