“Спортын хутга шидэлтийн дэлхийн аварга-2025” шалгаруулах тэмцээн 2025 оны 11 дүгээр сарын 8-аас 11-ний өдрүүдэд амжилттай зохион байгуулагдлаа.
Тэмцээнд Монгол, ОХУ, Беларусь, Казакстан, Герман зэрэг орны 200 гаруй тамирчин цэц мэргэн, хурд хүчээ сорин өрсөлдсөнөөс Шүүхийн шийдвэр гүйцэтгэх ерөнхий газрын Хорих ял эдлүүлэх албаны Тусгай ажиллагааны газрын Хүний нөөц, дотоод ажил, сэтгэл судлал хариуцсан мэргэжилтэн, ахмад Б.Энхтунгалаг 4 метрийн зайн төрөлд мөнгөн медаль, холын зайн төрөлд хүрэл медаль;
Эрэгтэйчүүдийн холын зайн төрөлд Тусгай ажиллагааны газрын Зэвсэг, галын бэлтгэл хариуцсан мэргэжилтэн, ахмад Э.Өлзийсүрэн хүрэл медаль;
Эрэгтэйчүүдийн 8 метрийн зайн төрөлд 401 дүгээр хаалттай хорих анги-Нэгдсэн эмнэлгийн хамгаалалтын ажилтан, ахлах ахлагч А.Амарсайхан хүрэл медаль;
Мөн 435 дугаар хаалттай хорих ангийн хамгаалалтын ажилтан, ахлагч Ч.Энхтуул Спортын хутга шидэлтийн холбооны ахлах шүүгчээр ажиллаж, Олон улсын тэмцээн шүүх эрхээ авсан бөгөөд Дэлхийн аваргын хүндэт медалиар шагнагдсан амжилт үзүүллээ.
