Эх хүүхдийн эрүүл мэндийн үндэсний төв, Монголын Үндэсний бөхийн холбоо хамтран улс, аймаг, цэрэг, сумын цолтой 256 бөхийн хандивын барилдаан болж өндөрлөлөө.
Энэ удаагийн барилдаанд Баянхонгор аймгийн Жинст сумын харьяат, "Тэргүүн богд" дэвжээний бөх улсын арслан Э.Батмагнай найм давж түрүүлсэн бол Хөвсгөл аймгийн Их-Уул сумын харьяат улсын начин Б.Даваа-Очир долоо даван үзүүрлэлээ.
Хандивын барилдааны орлого болон түрүү, үзүүр бөхийн бай шагналыг ЭХЭМҮТ-ийн Алсын зайн сургалтын төвийг бүрэн шинэчлэхэд зориулж байгаа юм. Мөн азтай нэг үзэгч автомашины эзэн боллоо.
