Хэнтий аймгийн Хэрлэн суманд 17 настай хүүхэд 11 настай дүүгээ галаас авраад өөрөө нас барсан харамсалтай хэрэг гарчээ. Тодруулбал энэ сарын 2-нд тус сумын 1 дүгээр багийн иргэн Ч.Б-ын гэрт гал түймэр гарч, 17 настай хүү 11 настай дүүгээ аварч цонхоор гарган, өөрөө амиа алдсан байна. Галд өртсөн 11 настай Б.А охины биеийн 90 хувь нь түлэгдсэн тул ГССҮТ-д эмчлүүлж байгаа аж. Охиныг нисдэг тэргээр тус эмнэлэгт авч ирсэн байна.