Өнгөрсөн 7 хоногт Эрүүл мэндийн сайд Ж.Чинбүрэнгийн зөвлөх Б.Дэмбэрэл яамны удирдлагуудыг цуглуулж хуралдаж буй зураг олон нийтийн сүлжээнд цацагдаж багагүй шүүмжлэл хүртсэн. Тэгвэл эл асуудалд УИХ-ын дарга шүүмжлэлтэй байр суурийг илэрхийллээ. Тэрбээр "Сайдын зөвлөх яамны газрын дарга нарыг цуглуулаад хурал удирдана гэж юу яриад байгаа юм. Зарчимтай байна шүү. Зөвлөхүүд бол даргадаа л үйлчлэх үүрэгтэй болохоос салбар төлөөлөх эрхгүй" гэв.