УИХ-ын Төрийн байгуулалтын байнгын хороо хуралдаж, 2026 оны төсвийн гурав дахь хэлэлцүүлгийг хийж зарчмын зөрүүтэй саналуудаар санал хураалаа. Тухайлбал, УИХ-ын гишүүн Ч.Лодойсамбуу, С.Цэнгүүн, Ш.Бямбасүрэн нараас гаргасан "Ерөнхийлөгч болон бусад Төсвийн ерөнхийлөн захирагч нарын төсвөөс тус бүр 10 хувийг хасаж, багш, эмч нарын цалинг нэмэх" зарчмын зөрүүтэй саналыг хэлэлцлээ.

Энэ үеэр УИХ-ын гишүүн Ц.Даваасүрэн "Төсвийг 10 хувиар танах асуудал 2009 оны гашуун түүхийг давтах нь ээ. 2009 онд хэдэн ПОПУЛИСТ улстөрчид төсвийг 10 хувиар танах санал гаргаж, танаснаар 12 хүүхдийн аминд хүрсэн.

Боловсрол, эрүүл мэндийн салбараас 10 хувийг танах нь НОЦТОЙ үр дагавар дагуулдаг" гэж шүүмжиллээ.