УИХ-ын гишүүн өнгөрөгч долоо хоногт мэдээлэл хийх үеэрээ "Төрийн сангийн данс улайчихсан, цалин, тэтгэврээ тавьж чадах эсэх нь эргэлзээтэй, Монгол Улс дефолт зарлах хэмжээнд хүрчихээд байна. Бүх зүйл болж байгаа мэтээр ард иргэдэд худал мэдээлэл өгч байгаа" гэх мэдээллийг өгсөн. Эл мэдээлэлд Сангийн сайд Б.Жавхлан "Улсаа хорлох гэж байгаа юм шиг мэдсэн, мэдээгүй баахан худлаа зүйл ярьдаг хүнийг монгол төрийн түшээ мөн гэж итгэхэд хэцүү. Зээлжих зэрэглэл болон төлбөрийн чадвар, валютын нөөц дээр ямар нэгэн эрсдэл гараагүй байгаа" гэлээ.