Монгол Улсад энэ онд 705 мянган жуулчин иржээ. Тодруулбал энэ оны нэгдүгээр сарын 1-нээс аравдугаар сарын 5-нийг хүртэлх хугацаанд 705.605 жуулчин ирсэн байна.
Энэ сарын 5-ны өдөр гэхэд л 2375 жуулчин Монголд ирсэн байна.
Манай улс 2024 онд нийт 727 мянган жуулчин хүлээн авсан. Энэ нь өмнөх оноос 22 хувиар өссөн үзүүлэлт болсныг албаныхан онцолж байв. Харин энэ жилийн тухайд, аравдугаар сарын эхний хагасын байдлаар 700 мянга гарчихсан байна. Холбогдох албаныхан нь ч Монголыг зорих жуулчдын тоо жил ирэх тусам нэмэгдэж байгааг онцолж буй юм.
