УИХ-ын намрын ээлжит чуулган өнөөдөр нээлтээ хийлээ. Үдээс хойшх чуулганы хуралдаан дөнгөж сая эхэллээ. Хуралдааны эхэнд Монгол Улсын Засгийн газраас өргөн барьсан 2026 оны Төсвийн төслийн талаар Ерөнхий сайд Г.Занданшатар танилцуулга хийж, гишүүдэд мэдээлэл өгсөн юм. Энэ үеэр тэрбээр "Оюут ордыг шинээр илрүүлснээр 357 сая тонн зэсийн нөөцийг шинэчлэн тогтоож, Эрдэнэт үйлдвэр ирэх 100 жил тогтвортой ажиллах нөхцөл бүрдлээ. Эрдэнэт үйлдвэр бол тэжээлийн цэгийн үнээ биш. Зуун дамнах баялгийн булаг, саалийн үнээ болохыг дахин нотоллоо" гэлээ.