Европын сагсан бөмбөгийн аварга шалгаруулах тэмцээний шөвгийн найман багийн сүүлийн тоглолт өнгөрсөн шөнө Финланд болон гүржийн шигшээ багуудын хооронд боллоо. Тус тоглолтод Финландын шигшээ баг 93:79-ийн харьцаатайгаар ялалт байгуулж түүхэндээ анх удаа хагас шигшээд шалгараад байна.
Ингэснээр Европын сагсан бөмбөгийн аварга шалгаруулах тэмцээний хагас шигшээд Финланд, Грек, Турк болон Германы шигшээ багууд шалгарч үлдлээ.
Энэхүү тоглолтод Лаури Марканен 17 оноо, 6 самбар авсан бол багийн дөрвөн тоглогч 10-с дээш оноо авч багаа хожилд хөтөлжээ.
Харин Гүржийн шигшээ баг шөвгийн наймд багтаж үлдсэн нь бүх цаг үеийнх нь дээд амжилт болж бичигдэж байна.
Э.Ариунтөгс
