Монголын эмэгтэйчүүдийн 3x3 сагсан бөмбөгийн хүчирхэг багуудын нэг Ulaanbaatar Amazons энэ сарын 13-наас БНХАУ-ын Шанхай хотноо эхлэх “FIBA 3x3 Women’s Series Finals 2025” тэмцээнд өрсөлдөхөөр бэлтгэлээ базаагаад байна.
Тус багийн бүрэлдэхүүнд Б.Ариунцэцэг, Б.Болор-Эрдэнэ, О.Хулан, Amari Robinson (АНУ-ын гаралтай, Монголын иргэншилтэй тоглогч) нар багтжээ. Энэхүү тэмцээнд дэлхийн шилдэг 8 баг урилгаар оролцож, финалын аваргыг тодруулдаг журамтай.
Ulaanbaatar Amazons баг тэмцээний эхний тоглолтоо энэ сарын 13-ны 15:50 цагт Испанийн үндэсний шигшээ багийн эсрэг хийнэ.
Э.Ариунтөгс
