Гэнэтийн эрсдэлийн улмаас өчигдөр /09.03/ 18:51 цагт "Эрдэнэт" дулааны станц хүчдэлгүй болж, ЭДЦС, ЭҮДЦС, Тосон ДЦС буюу Орхон, Булган, Хөвсгөл, Архангай, Өвөрхангай, Баянхонгор, Завхан, Говь-Алтай аймаг хүчдэлгүй болж, цахилгаан тасарсан талаар бид мэдээлсэн.
Энэхүү цахилгааны ослын улмаас “Эрдэнэт үйлдвэр” ТӨҮГ тэг зогсолт хийсэн юм.
Энэ талаар ОБЕГ-аас тодруулахад "Орхон аймгийн Баян-Өндөр сум 220 кв-ын дэд станцын хаалттай хуваарилах байгууламжид гал түймэр гарсан дуудлага өчигдөр буюу 09 сарын 03-ны 18:55 цагт ирсэн.Дуудлагын дагуу тус аймгийн Онцгой байдлын газрын Гал түймэр унтраах, аврах 58-р ангийн ангийн алба хаагчид ажиллаж, гал түймрийн тархалтыг 19:23 цагт зогсоож 19:43 цагт бүрэн унтраасан" хэмээлээ.
