Иргэний зориг, ногоон намын Улс төрийн зөвлөл 19.00 цагаас хуралдах гэж буй талаар бид өмнөх мэдээллээрээ хүргэсэн. Тодруулбал,
-Г.Занданшатарын Засгийн газартай ИЗНН хамтран ажилласан хугацааны үр дүн, ажлын хэрэгжилт, цаашид авч хэрэгжүүлэх арга хэмжээ
-Есдүгээр сарын 14-нд болох намын ээлжит бус Их хурлын бэлтгэл ажлын талаар
-2027 оны Ерөнхийлөгчийн сонгуультай холбогдуулан байгуулагдсан Бодлогын зөвлөлийн ажлын явцыг хэлэлцэхээр төлөвлөөд байсан юм.
Тэгвэл тус намын Улс төрийн зөвлөлөөс дараах гурван шийдвэрийг гаргасан байна. Үүнд:
-МАН-тай хамтран ажиллах гэрээ байгуулах Ажлын хэсгийг байгуулжээ. Тус Ажлын хэсгийг ИЗНН-ын Ерөнхий нарийн бичгийн дарга Ч.Мөнхжаргал ахалж, УИХ-ын гишүүн Р.Батболд, С.Замира нар ажиллахаар болсон байна.
-Хоёрдугаарт, энэ сарын 14-нд болох ИЗНН-ын 12 дугаар ээлжит бус Их хурлын бэлтгэл ажлын мэдээллийг сонсжээ.
-Гуравдугаарт, 2027 оны Ерөнхийлөгчийн сонгуульд оролцох бэлтгэл ажлын "Бодлогын зөвлөл" иргэд, гишүүдтэй холбогдсон асуудлаар санал солилцсон байна.
