Үдээс өмнө Төрийн ордонд Ардчилсан намын ҮБХ хуралдаж, намын шинэ даргаар УИХ дахь АН-ын бүлгийн дарга О.Цогтгэрэлийг сонгосон билээ. Тэгвэл түүнийг албан ёсоор батламжлах АН-ын ээлжит бус Их хурал эхэллээ.
Сануулахад, тус намын даргад О.Цогтгэрэл, Б.Пүрэвдорж, Ж.Баярмаа, Б.Отгонбат нар өрсөлдсөн билээ. Улмаар санал хураалтад ҮБХ-ны 314 гишүүн оролцсоноос 62 хувийн саналаар О.Цогтгэрэл ялалт байгуулсан. Харин Б.Отгонбат гурван хүний саналтайгаар сунгаанаас хасагдсан бол Б.Пүрэвдорж, Ж.Баярмаа нар нэрээ татсан юм.
