Үдээс өмнө Төрийн ордонд хуралдсан Ардчилсан намын Үндэсний бодлогын хорооны ээлжит бус хуралдаанаар тус намын даргад нэр дэвшигчдийн сунгааг зохион байгуулсан билээ. Санал хураалтаар 62 хувийн саналаар УИХ дахь Ардчилсан намын бүлгийн дарга О.Цогтгэрэлийг АН-ын даргаар сонгосон юм.
Тус намын холбогдох дэг, журмын дагуу Ардчилсан намын Их хурлаар батламжлах учиртай. Тэгвэл үдээс хойш эхэлсэн Их хурлаар түүнийг батламжилж, өмнөх дарга Лу.Гантөмөр түүнд тамгаа хүлээлгэн өглөө.
Одоо Улсын дээд шүүх түүнийг бүртгэж авах эсэх процесс үргэлжлэх юм.
