Говь-Алтай аймагт дөрвөн сартай нярайн мэс засал амжилттай болжээ. Аймгийн эмч нар болон ЭХЭМҮТ-ийн мэргэжилтнүүд хамтран эмнэлгийн тусламж үзүүлснээр хүүхдийн амь насыг аварсан байна.
Тус төвийн Ерөнхий мэс заслын тасгийн эмч, клиникийн профессор А.Цэнджав, мэдээгүйжүүлгийн эмч С.Сэргэлэн нар өнгөрсөн даваа гаригт /2020.12.07/ яаралтай дуудлагын дагуу Говь-Алтай аймгийг зорьжээ. Дөрвөн сартай нярай улаанхоолой, 12 хуруу гэдэсний хавсарсан битүүрэлтэй төрсөн тул ийнхүү мэс заслын аргаар амь насыг нь аварсан байна.
