УИХ-ын чуулганы хуралдаанаар 2025 оны төсвийн хүрээний мэдэгдэл, 2026-2027 оны төсвийн төсөөллийн тухай хуульд өөрчлөлт оруулах тухай хуулийн төслийг хэлэлцэж байна.

Энэ үеэр УИХ-ын гишүүн Ж.Ганбаатар "Төсөв тодотгохгүй" гээд л бүгдээрээ ЗАГНААД байсан. Олон төсөв яриад байгаа чинь буруу ажиллаад, худлаа тооцоолоод байна гэсэн үг. Буруу тооцоолоод байна гэдэг чинь ажлаа хийж чадахгүй байна гэсэн үг юм биш үү.

Монголбанкны Ерөнхийлөгч хаачсан бэ, ирэхээ больсон байна. Хэнийг дуурайгаад байгаа юм бэ. Ам.долларын нөөц 5 тэрбум байна гэчхээд, яагаад ам.доллар олдохгүй байгаа юм бэ" гэлээ.