УИХ-ын чуулганы хуралдаан үргэлжилж байна. Хуралдаанаар ТББХ-ноос оруулж ирсэн байнгын хорооны даргад УИХ-ын гишүүн Ц.Сандаг-Очирыг томилуулах саналыг хэлэлцэн шийдвэрлэлээ.

Тодруулбал, гишүүдийн 60.8 хувийн саналаар түүнийг Төрийн байгуулалтын байнгын хорооны даргаар томиллоо. Сануулахад, Төрийн байгуулалтын байнгын хорооны даргаар ажиллаж байсан УИХ-ын гишүүн Ж.Бат-Эрдэнэ МАН-ын бүлгийн даргаар томилогдсонтой холбогдуулан байнгын хорооны даргын томилгоо яригдаж эхэлсэн билээ.