УИХ-ын Аюулгүй байдал, гадаад бодлогын байнгын хорооны хуралдаан 13.00 цагт эхэлнэ. Хуралдаанаар:

-“Эрчим хүч-3 төсөл”-ийг хэрэгжүүлэх Монгол Улс, Олон улсын сэргээн босголт, хөгжлийн банк хоорондын Зээлийн хэлэлцээрийг соёрхон батлах тухай хуулийн төсөл /Засгийн газар 2025.05.16-ны өдөр өргөн мэдүүлсэн, соёрхон батлах/

-Байнгын хорооны тогтоолын төсөл /Ажлын хэсэг байгуулах тухай/-ийг хэлэлцэхээр төлөвлөжээ.

Уг зээлийн хэлэлцээр нь “Эрчим хүч-3” төсөл-ийн хүрээнд хэрэгжих бөгөөд төслийн гол зорилго нь:

• Багануур–Чойр чиглэлийн 110 кВ-ын цахилгаан дамжуулах агаарын шугамыг
  220 кВ-ын хоёр хэлхээтэй болгон шинэчлэх

• Багануур, Чойр дэд станцуудыг өргөтгөх

Ийнхүү хүчин чадлыг нэмэгдүүлснээр тухайн бүс нутгийн өсөн нэмэгдэж буй эрчим хүчний хэрэглээг найдвартай, тогтвортой хангах стратегийн ач холбогдолтой гэж Сангийн сайд Б.Жавхлан онцолсон байна.