Энэ мэдээ хуучирсан буюу 2020/12/03-нд нийтлэгдсэн мэдээ болно.

Шалгалтад 930 гаруй аж ахуйн нэгж, байгууллага хамрагджээ

Ангилал
Нийгэм
Огноо
Унших
1 минут 38 секунд

Онцгой байдлын ерөнхий газар /ОБЕГ/-аас Шударга өрсөлдөөн хэрэглэгчийн төлөө газар /ШӨХТГ/-тай хамтран бүх нийтийн бэлэн байдлын зэрэгт шилжсэнтэй холбогдуулан 2020 оны 11 дүгээр сарын 1-30-ны өдрүүдэд  гол нэрийн хүнсний бүтээгдэхүүн, амны хаалт, гар ариутгагч бодис борлуулагч аж ахуй эрхлэгчдийн үйл ажиллагаанд хяналт шалгалт хийв.

Шалгалтад нийт 930 гаруй аж ахуйн нэгж, байгууллагыг хамруулахад гол нэрийн хүнсний бүтээгдэхүүн болон эм, эмийн хэрэгсэл ханган нийлүүлэх байгууллагуудын үйл ажиллагаа тогтворжиж, бараа үйлчилгээний үнийн өсөлт хэвийн байна.

Гамшгаас хамгаалах тухай хууль, Монгол Улсын Засгийн газар, Улсын онцгой комиссын шийдвэрийн хэрэгжилтийг хангах, халдвар хамгааллын дэглэмийг мөрдлөг болгох, бараа, бүтээгдэхүүний үнийн дүнг иргэдэд ил болгох мөн бусад зөрчлийг арилгуулах тухай Гамшгаас хамгаалах улсын хяналтын байцаагчийн Заавал биелүүлэх албан шаардлагыг хяналт шалгалтад хамрагдсан аж ахуйн нэгж, байгууллагад хүргүүлэн хяналт тавьж ажиллажээ.

Мөн Гамшгаас хамгаалах тухай хуульд заасан хуулийн этгээд, иргэний үүргээ биелүүлж ажиллаагүй хоёр аж, ахуйн нэгж, байгууллага, гурван иргэнд Зөрчлийн тухай хуульд заасны дагуу арга хэмжээ авч, зөрчлийн хэрэг нээн, материалыг хялбаршуулсан журмаар шийдвэрлэхээр прокурорын хяналтад өгч ажилласан гэж ОБЕГ-аас мэдээллээ.

Төрийн шагналт зохиолч Далхаагийн Норов тэнгэрт дэвшжээ
Төрийн шагналт зохиолч Далхаагийн Норов тэнгэрт дэвшжээ
 
Л.Оюун-Эрдэнэ: Э.Бат-Үүл бол ардчилсан хувьсгалын үзэл санаандаа үнэнч үлдсэн цөөхөн хүмүүсийн нэг
Л.Оюун-Эрдэнэ: Э.Бат-Үүл бол ардчилсан хувьсгалын үзэл санаандаа үнэнч үлдсэн цөөхөн хүмүүсийн нэг
Энэ мэдээ хуучирсан буюу 2020/12/03-нд нийтлэгдсэн мэдээ болно.