Ерөнхий сайдын хүүгийн асуудлаас үүдэлтэйгээр Ерөнхий сайд Л.Оюун-Эрдэнийг огцрохыг шаардсан "Огцрох амархан" жагсаал зэрэг улс төрийн хүрээн дэх асуудлуудаар даваа гарагт /2025.05.19/ Ерөнхий сайд Л.Оюун-Эрдэнэ МАН-ын удирдах түвшний хүмүүстэй уулзсан талаар бид тухай бүрд нь мэдээлж байсан.
Улмаар МАН-ын Бага хурлыг лхагва гарагийн 15.00 цагт хуралдуулахаар товлосон байдаг. Бага хурлаар Ерөнхий сайдын асуудлыг цааш хэрхэх, Монгол ардын нам дангаараа засаглах уу зэрэг асуудлыг хэлэлцэхээр төлөвлөөд байгаа юм.
Албан бус байдлаар, хэрвээ Ерөнхий сайд Л.Оюун-Эрдэнэ огцорсон тохиолдолд дараагийн Ерөнхий сайдад Д.Амарбаясгалан, Н.Учрал тэргүүтэй хэд хэдэн хүний нэрс яригдаж эхэлсэн байдаг.
Өнөөдрийн Бага хурлын үйл явц болон гарсан шийдвэрийн талаар бид эргэн мэдээлэх болно.
