“Будапешт-2025” жүдо бөхийн дэлхийн аварга шалгаруулах тэмцээн ирэх зургаадугаар сарын 13-нд эхэлнэ. Тус тэмцээд 2024 оны Парисын олимпын мөнгөн медальт МУГТ Б.Баасанхүү, түүний нөхөр Г.Болор-Очир нар оролцох эрхээ хангаж, оролцохоор болсон гэх мэдээлэл цахим орчинд цацагдсан. Энэ талаар Монголын жүдо бөхийн холбооны ерөнхий нарийн бичгийн дарга Б.Батгэрэлээс тодруулахад, "ДАШТ-д оролцох бүрэлдэхүүнийг удахгүй албан ёсоор зарлана. Б.Баасанхүү, Г.Болор-Очир нар хосоороо оролцоно гэх мэдээлэл худлаа. Б.Баасанхүү амаржаад удаагүй байгаа учраас энэ жилийн ДАШТ-д оролцохгүй. Г.Болор-Очирын тухайд хагалгаанд ороод удаагүй бэртэлтэй байгаа учраас энэ жил өнжинө" гэлээ.
