Нийслэлийн Засаг дарга бөгөөд Улаанбаатар хотын Захирагч Х.Нямбаатар Унгарын нийслэл Будапешт хотод ажиллаж байна. Будапешт хот Дунай мөрний эрэгт байрладаг тул ус хуримтлуулах, үерийн усны менежментийн туршлага сайтай бөгөөд усны барилга байгууламжийн мэргэжилтнүүд нь чадварлаг аж.

Тиймээс Будапешт хотын усны салбарын инженер, техникүүдийн ажилтнуудыг Улаанбаатар хотод урьж, ажиллуулахаар болжээ.

Түүнчлэн тус хотын нийтийн тээврийн менежмент европод гайхагддаг гэнэ. Энэ чиглэлээр тэр дундаа метро, трамвай нэвтрүүлсэн туршлагаас суралцах, хамтарч ажиллахаар тохиролцсон байна.