"ХОЙД БҮС ЭРДЭНЭТ 2025" эдийн засгийн форум эхэллээ. Энэхүү форумыг нээж Орхон аймгийн Засаг дарга Б.Зоригтбаяр 60 дэд төсөл хэрэгжүүлэхээр төлөвлөж байна гэдгийг мэдээлэв. Үүний дотор агаарын бохирдлыг бууруулах, орон сууц барих, нүүрсний хэрэглээг бууруулахад цэвэр агаар төслийн хүрээнд 22 дэд төсөл хэрэгжүүлэхээр төлөвлөж байгааг дурдлаа. Мөн био технологийн үйлдвэр байгуулахаар төлөвлөснийг онцолж хэлсэн гэхдээ "уул уурхайгаас хараат бус байхад анхаарна" гэдгийг тодотгов. Тэрбээр, "Бидний бүх зүйл сайхан биш байна. Нэг салбараас хамааралтай байгаа нь урт хугацаандаа эрсдэлтэй гэж харж байна. Тиймээс био технологийг хөгжүүлж эдийн засгийг тэлнэ. Булганы айраг гэдэг шиг Эрдэнэтийн баялгийг бий болгоно" гэлээ.