УИХ-ын чуулганы үдээс өмнөх хуралдаанаар Зээлийн мэдээллийн тухай хуульд нэмэлт, өөрчлөлт оруулах тухай хуулийн төслийг үргэлжлүүлэн хэлэлцэж, санал хураалт явуулах байв. Харин АН-ын бүлэг цаг үеийн асуудлаар завсарлага авсан юм.

Тэгвэл хууль санаачлагч УИХ-ын гишүүн Э.Батшугар хэлэхдээ "Парламентын байнгын ажиллагааг тасалдуулж, улс төрийн бойкот хийж байгаа нь буруу. Зээлийн мэдээллийн хуулийг хэлэлцээд баталсан бол нэг ч гэсэн иргэн хар жагсаалтаас гарах байсан. Үүний ард 1.6 сая иргэний эрх ашиг хөндөгдөж байгаа" гэлээ.