УИХ-ын Хууль зүйн байнгын хороогоор Монгол Улсын Үндсэн хуулийн цэцийн 2025 оны 04 дүгээр дүгнэлт /Монгол Улсын Их Хурлын сонгуулийн тухай хуулийн 72 дугаар зүйлийн 72.1 дэх хэсгийн холбогдох заалт Монгол Улсын Үндсэн хуулийг зөрчсөн эсэх/-ийг хэлэлцлээ.

Энэ үеэр УИХ-ын гишүүн Б.Энхбаяр "Тамга тэмдгээ булаацалдаад, зодолдоод явж байсан Ардчилсан намыг “Хяналт тавь” гээд сонгосон чинь сайд, дарга болоод явчихсан. Сөрөг хүчингүй болчхоод байгаа шүү дээ. Тойргийг жижигсэх тусам жалга довны атмаанууд бий болдог. Манайд нэг аймаг байтугай нэжгээд аймгаар нь худалдаад авчих хэмжээний мөнгөтэй хүмүүс байгааг Н.Алтанхуяг гишүүн сайн мэдэж байгаа" гэв.