Хамтарсан Засгийн газраас томилж буй бүтээмж, хяналт хариуцсан менежерүүдийн томилгоо багагүй шүүмжлэл дагуулж буй. Энэ асуудлаар УИХ-ын гишүүн О.Амгаланбаатар байр сууриа илэрхийлэхдээ "БҮТЭЭМЖ, ХЯНАЛТЫН менежерээр томилогдсон хүмүүсийг харж байхад, манай намынх биш, сайд нарын ах дүү, хамаатан саднууд нь томилогдсон байна.

АН Засгийн газарт хамтрах гэрээ намын бүлгээр ороогүй. Тэр гэрээг Лу.Гантөмөрөөс өөр харсан УИХ-ын гишүүн ч байхгүй. Гэрээгээ тас нуучхаад, гаргаж ирэхгүй байгаа" гэлээ.