Зайсангийн зүүн гүүр буюу хуучин гүүрний хөдөлгөөнийг ирэх долоодугаар сарын 10-ны өдрийг хүртэл түр хаасан. Өнөөдрийн байдлаар шинэ гүүрний барилга угсралтын ажил 65 хувьтай үргэлжилж байна.
Зайсангийн хуучин гүүрийг 1968 онд буюу одоогоос 57 жилийн өмнө ашиглалтад оруулж байсан. Үүнээс хойш засвар, шинэчлэлт огт хийгээгүй бөгөөд 2012 онд ашиглалтын түвшин D үнэлгээнээс бага, хэзээ ч нурж магадгүй гэсэн дүгнэлт гарсан юм. Иймд гүүрийг зайлшгүй нураах, шинээр гүүр барих шаардлага үүссэн болохыг нийслэлээс мэдээлж байв. Зайсан чиглэлийн төмөр бетон гүүр нь хоногт 26 мянган автомашин нэвтрүүлэх хүчин чадалтай 225 метр урт байхаар төлөвлөж байгаа юм.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!