Улстөрийн намын тухай хуульд нэмэлт өөрчлөлт оруулах хуулийн төслийн намын үндсэн дүрмийг батлахтай холбоотой заалтын хэрэгжилтийг хойшлуулсан. Үүнтэй холбоотойгоор 2025 он гарсаар намууд дүрмийн өөрчлөлтөө хийж эхэлнэ. Тэгвэл Ардчилсан нам үндсэн дүрмээ ирэх долоодугаар сард хийхээр төлөвлөж буй намын Их хурлаараа батлах талаар АН-ын дарга Л.Гантөмөр мэдээлэв.

Тэрбээр "Намын их хурлыг энэ онд гурван удаа хуралдуулахаар төлөвлөж байгаа. Энэ удаагийн хурлаар ШИНЭ намыг хүлээн авч байна. Намын мөрийн хөтөлбөр, дүрмээ долоодугаар сард хуралдаж батална гэж бодож байна. Намын дотоод асуудлаа улстөрийн намын хуультайгаа уялдуулан шийдсэн жил байх болно" гэв.