УИХ-ын чуулганы өнөөдрийн хуралдаанаар Монгол Улсыг 2021-2025 онд хөгжүүлэх таван жилийн үндсэн чиглэл, Монгол Улсын Засгийн газрын 2024-2028 оны үйл ажиллагааны хөтөлбөрийн 2024 оны гүйцэтгэлийн тайлан болон Монгол Улсын хөгжлийн 2024 оны төлөвлөгөөний гүйцэтгэлийн тайланг хэлэлцэж байна.

Энэ үеэр УИХ-ын гишүүн О.Номинчимэг "Иргэний хэргийн шүүхийн шийдвэр гүйцэтгэл 50 хувьд ч хүрэхгүй байна. Тухайлбал, 2021 оноос хойш хүүхдийн тэтгэмжтэй холбоотой хэрэг маргаан 7.5-8 хувийн л биелэлттэй гарсан. Хүүхдэдээ тэтгэмж өгөх ёстой эцэг, эхчүүд хууль хэрэгжүүлэхдээ тулахад унаж байгаа "Lexus-570", амьдарч байгаа орон байраа хамаатныхаа нэр дээр болгочхож байна. Шүүхийн шийдвэр гүйцэтгэл дээдэст ээлтэй, доодост энэрэлгүй тогтолцоотой болчхоод байгааг хурдан засах ёстой" гэв.