Өнгөрсөн жилийн Үндэсний их баяр наадмын Хүчит бөхийн барилдааны үеэр Төв цэнгэлдэх хүрээлэнгийн хиймэл зүлэг дээр бөхчүүд халтирч гэмтэл авах, харамсалтайгаар унах тохиолдлууд гарсан. Цэнгэлдэхийн шинэ зүлэг нь FIFA буюу Олон Улсын Хөлбөмбөгийн Холбооны шаардлага хангасан гэсэн ч стандартын бус хэмээн иргэд шүүмжилж буй.
Гэвч уг асуудалд хэн ч хариуцлага хүлээгээгүй. Тэгвэл Улсын аварга О.Хангай "Наадмын талбайн хүн гэмтээдэг, хүний хөдөлмөрийг үгүй хийдэг, наадам самардаг "гоё" ногоон зүлгээ эртхэн сольё. Бөхчүүд ахиад ийм зүлгэн дээр барилдмааргүй байна. Жич: өмнөх хиймэл зүлэг хальтирдаггүй байсан" хэмээн байр сууриа илэрхийллээ.
