Монгол Улсын Их Хурлын дарга Д.Амарбаясгалангийн Их Британи, Умард Ирландын Нэгдсэн Хаант Улсад хийж буй албан ёсны айлчлал үргэлжилж байна. Айлчлалын ач холбогдолтой холбогдуулан УИХ-ын гишүүн Ж.Баярмаа "Парламент хоорондын хамтын ажиллагаа сайжирснаар тухайн улс орнуудын хоорондын улс төр, нийгэм, эдийн засгийн хамтын ажиллагаа давхар сайжирдаг. Энэ удаагийн айлчлалаар парламент хамтын ажиллагааг сайжруулах мөн Англи улс дахь найрамдлын бүлгийг байгуулах тухай ярилцаж байна" гэлээ.