Засгийн газрын өнөөдрийн хуралдаанаар Зам тээврийн дэд сайд асан Л.Халтарыг Шинэ Хархорум хотын захирагчаар томилжээ.

Ерөнхийлөгч У.Хүрэлсүх 2022 оны арванхоёрдугаар сард Хархорум хотыг сэргээн байгуулах зарлиг баталснаар УИХ-аас холбогдох хууль, тогтоолуудыг баталсан. Ингэснээр тус хотыг сэргээн байгуулах эрх зүйн боломж бүрдсэн байсан бөгөөд өнөөдрийн хуралдаанаас Хархорум хотын захирагч ийнхүү томилогджээ.

Түүний боловсрол

-1983 онд Нийслэлийн 28 дугаар дунд сургуулийг төгссөн

-1990 онд ОХУ-ын Санкт-Петербургийн Зам харилцааны их сургуулийг Төмөр замын ашиглалтын инженер

-1993 онд Удирдлагын хөгжлийн институтийг Бизнесийн менежер

-1999 онд Эрхүү хотод Зам харилцааны их сургуульд докторын зэрэг хамгаалсан

Ажлын туршлага

-1983-1985 онд УБТЗ Хувь Нийлүүлсэн Нийгэмлэгийн ажилтан /ачигч/

-1990-1992 онд УБТЗ ХНН-ийн техникумд инженер багш

-1992-1993 онд УБТЗ ХНН-ийн /АБТЭМА / Ачиж буулгах ангийн орлогч дарга

-1993-2006 онд УБТЗ ХНН-ийн Олон улсын тээвэр зуучлалын төвийн захирал

-2006-2015 онд УБТЗ ХНН-ийн Нийгмийн асуудал хариуцсан орлогч дарга

-2015-2017 онд УБТЗ ХНН-ийн Хөрөнгө оруулалт, нийгмийн асуудал хариуцсан орлогч дарга

-2017-2018 онд УБТЗ ХНН-ийн Тээвэрлэлт, хөдөлгөөн хариуцсан орлогч дарга

-2018-2020 онд Зам тээвэр хөгжлийн дэд сайдаар ажиллаж байсан

-2021 онд Зам, тээврийн хөгжлийн сайд