Ухаа худгийн орд болон Гашуунсухайтын хил холболтын төмөр замын хэлэлцээрийн үйл явцтай зэрэгцэн MCS групп төрийн нууцыг хууль бусаар олж авсан, дэргэдээ тусгай байгууллагатай байсан зэрэг мэдээлэл гарч, тус группийн хэлтсийн дарга З.Төрмандах нарын хүмүүс баривчлагдсан. Үүнтэй холбоотойгоор "MCS" группийн Ерөнхийлөгч Ж.Оджаргал компанийнхаа дотоод группт өөрийн байр сууриа илэрхийлжээ.

Тэрбээр "Ухаа худаг"-ийг авахад бид ямар ч хууль ЗӨРЧӨӨГҮЙ. 15 жил гацсан Гашуунсухайтын төмөр замыг холбох ЗГ-ын хэлэлцээрийг эргэлзээгүй дэмжиж байгаа. Энэ хэлэлцээр бушуу батлагдаад төмөр замаар холбогдоосой л гэж бид хүсэж байгаа. Манай компанийн нэр хүндийг харлуулах гэсэн бүлэг хүмүүс зохион байгуулалттайгаар хар PR явуулж, хууль бус хандив өгсөн, жагсаал зохион байгуулсан, тролл армитай гэх мэтээр огт хийж байгаагүй зүйлд гүтгэж байна" гэв.