Шигшээ багийн бүрэлдэхүүнд багтаад байсан 1980 оны төлөөлөл тэр дундаа 89Team-ийн сүүлийн төлөөлөл болох "Хасын Хүлэгүүд" багийн ахлагч ОУХМ Б.Билгүүн дахин шигшээ багт тоглохгүй.

Түүний хувьд 10 гаруй жилийн хугацаанд шигшээ багтаа хүчин зүтгэж 2 аравныг залган шигшээ багийн бүрэлдэхүүнд багтаж, 2013 онд оюутны юниверсад наадамд Японы шигшээг, 2014 онд Азийн том төлөөлөл Иорданыг хожсон бүрэлдэхүүний гол тоглогч нарын нэг байсан төдийгүй 2025 оны Азийн аваргын урьдчилсан шатны тоглолтуудад түүхэн амжилт үзүүлэхэд мөн л багийн гол тоглогч нарын нэг байсаар ийнхүү зодог тайлахаар шийджээ.

Ташрамд дурдахад, BCH knights багийн Б.Мөнхболд 39 насандаа, О.Ууганбаяр 37 насандаа буюу энэ жил зодог тайлахаа мэдэгдсэн.