Даваа гарагт Канадын Торонтогийн нисэх буудалд газардсан "Delta Air Lines" компанийн онгоц хөмөрсний улмаас 18 зорчигч гэмтжээ. Уг онгоц АНУ-ын Миннеаполис хотоос 80 зорчигч тээвэрлэн Торонто хотод газарджээ.
Ослын улмаас 18 зорчигч бэртсэний гурав нь хүнд гэмтсэн бөгөөд тэдний нэг нь хүүхэд байсныг Канадын CBS олон нийтийн суваг мэдээлжээ.
Канадын Онтарио мужийн захирагч Даг Форд уг ослын улмаас хүний амь үрэгдээгүйг батлаад эрх баригчид бэртэж, гэмтсэн зорчигчдод шаардлагатай бүх тусламж үйлчилгээг үзүүлж байгааг мэдээлсэн байна.
Ням гарагт Канадын зүүн хэсгийг хүчтэй цасан шуурга дайрсан аж. Улмаар даваа гарагт Торонто хотод салхины эрч буураагүй байсан нь онгоц газардах үеэрээ хөмрөх шалтгаан болсон гэж мэргэжилтнүүд үзэж байгаа юм байна.
