Гэгээн хайрын өдөр буюу Валентины баяр өнөөдөр /2025.02.14/ тохиож байгаа билээ. Тэгвэл он гарснаас хойш Монгол Улс хэдий хэмжээний цэцэг, сарнай импортолж авсан талаарх мэдээллийг хүргэж байна. Тухайлбал,

Өнгөрсөн нэгдүгээр сарын байдлаар 339.2 мянган ам.долларын 714.367 ширхэг амьд цэцэг импортолсон байна. Үүнээс 153.4 мянган ам.долларын үнэ бүхий 310.145 ширхэг сарнай импортолжээ.

Харин өнгөрсөн оны мөн үед 175 мянган ам.долларын үнэ бүхий 317.270 ширхэг амьд цэцэг импортолж байснаас 69.9 мянган ам.долларын 127.205 ширхэг нь сарнай байсан аж.