Дундговь аймагт 4.6 магнитудын хүчтэй газар хөдлөлт болсон байна. Энэ талаар онцгой байдлын газрын мэдээлснээр газар хөдлөлт аймгийн Сайхан-Овоо сумын Найз багийн Сүүж гэх газарт орой 17:00:45 цагт бүртгэгджээ. Энэ талаар аймгийн Онцгой байдлын газраар дамжуулан Сайхан-Овоо сумын Засаг даргын Тамгын газар, Найз багийн Засаг дарга нараас тодруулахад хүчтэй чичирхийлэл мэдрэгдсэн, тухайн газар нутагладаг малчнаас тодруулахад дүнгэнэх чимээ гарч, гэр, эд хогшил хөдөлсөн, Дундговь аймгийн Эрдэнэдалай сум, Өвөрхангай аймгийн Арвайхээр, Баянгол, Тарагт, Хайрхандулаан, Уянга сумдад чичирхийлэл мэдрэгдсэн гэжээ. Өчигдөр орой 20:10 цагийн үед учирсан хохиролгүй гэж мэдээлжээ.
