Өнгөрсөн нэгдүгээр сарын 23-24-нд шилжих шөнө нэг гэрийн зургаан хүн угаартаж нас барсан иргэдийн мэдээлэл цахим орчинд цацагдсан нь нийгэмд багагүй бухимдал төрүүлээд байгаа билээ. Тэгвэл ХЗДХ-ийн сайд О.Алтангэрэл уг асуудлаар мэдээлэл хийж байна.

Тэрбээр "Хохирогчдын хувийн эмзэг мэдээллийг агуулсан тэр мэдээллийг харахад цагдаагийн мэдээлэл мэтээр бичигдсэн байна лээ. Өчигдөр 21:00 цагийн үед тавигдсан. Энэ нь Эрүүгийн хуулийн хариуцлага хүлээлгэх заалттай.

Хэрэв албан тушаалын хүрээнд олж авсан мэдэллээ задруулсан бол 5 хүртэлх жилийн хорих ялтай. Өнөөдөр ийм хүнд нөхцөлд байгаа тэр хүү хамаатан саданд энэ нь маш хүндээр тусна. Албаны журмаар олж авсан мэдээллээ цацсан бол гэмт хэрэг шүү.

Өчигдөр шөнө яаралтай ажлын хэсэг байгуулсан. Энэ мэдээлэлд дурдсан зарим нэг мэдээлэл нь цагдаагийн байгууллагад байхгүй үнэнтэй нийцэхгүй мэдээлэл байсан. Албаар тараасан гэж үзэж байна. Цагдаагийн байгууллага уг хэргийг илрүүлэхийн төлөө бүх хүчээрээ ажиллаж байна. Хэрвээ мэдээллийг цагдаагийн албан хаагч задалсан бол тухайн албан хаагчаас гадна ЦЕГ-ын даргын удирдлагуудад хариуцлага ТООЦНО" гэлээ.