Туулын хурдны замын бүтээн байгуулалтын ажлыг ирэх дөрөвдүгээр сард эхлүүлж, 24 сарын дотор ашиглалтад оруулахаа хотын удирдлагууд мэдэгдсэн. Тэгвэл өнөөдөр олон улсын нээлттэй тендерийг зарлалаа. Нийт төсөвт өртөг нь 1.9 их наяд төгрөг байх бол энэ оны санхүүжилт нь 538.6 тэрбум төгрөг байх аж.
Уг хурдны зам ашиглалтад орсноор 32 км замыг 21-38 минутад 50-90 км/цагийн хурдтай туулна гэж тооцоолжээ. Мөн түгжрэл 10-20 хувиар буурч, оргил цагийн дундаж хурд 25 км/цаг болж нэмэгдэх гэнэ.
