Энэ жил сар шинийн баяраар билгийн тооллын шинийн НЭГЭН тасарч буй талаар Гандантэгчэнлин хийдээс болон зурхайчид мэдэгдсэн. Тодруулбал, хоёрдугаар сарын 28-нд битүүлж, гуравдугаар сарын 1-нд шинийн НЭГЭН тохиох байсан ч ийнхүү тасарсан тул гуравдугаар сарын 1 буюу шинийн 2-нд золгоно.

Нийтээр тэмдэглэх баярын болон тэмдэглэлт өдрүүдийн тухай хуульд "Сар шинийн баяраар билгийн тооллын шинийн 1,2,3-ны өдөр бүх нийтээр амарна" гэж заасан байдаг.

Харин энэ удаа шинийн НЭГЭН тасарснаас үүдэлтэйгээр шинийн 2,3-ны өдөр бямба, ням гарагт таарч, шинийн 4 даваа гарагт тохиож ажил цуглахаар байна.

Тиймээс иргэдийн зүгээс Сар шинийн баяр өдрийг сунгах ёстой гэсэн байр суурийг илэрхийлсээр байна. Тиймээс энэ талаар УИХ-ын гишүүдээс байр суурь тодруулж байна.