Засгийн газрын ээлжит хуралдаанаас гарсан шийдвэрийн талаар ЗГХЭГ-ын дарга Н.Учрал мэдээлэл өглөө. Энэ үеэр тэрбээр төрийн өмчит компани, үйлдвэрийн газрын эрхзүйн шинэчлэл чиглэлд хийх хуулийн өөрчлөлтийн хүрээнд бий болох үр дүнгийн талаар мэдээлэл өгсөн юм. Тухайлбал, төрийн өмчит компани, үйлдвэрийн газруудыг 122 байсныг 70 болгож цөөрүүлнэ гэв. Түүнчлэн ТУЗ-ийн тоо 31, гишүүдийн тоо 279, ТУЗ-ийн нарийн бичгийн дарга 31 хүнээр цөөрүүлж цалингийн болон үйл ажиллагааны зардал 4.9 тэрбум төгрөгийг хэмнэнэ гэв.
